Добивај вести на Viber
Трговците во Хонг Конг се радуваат на најдобри услови за работа во светот, според оценка на консултантската компанија Arcadis, соопштува интернет изданието property-magazine.eu.
Второто и третото место во индексот на најдобрите светски дестинации за трговците ги заземаат соодветно Сингапур и САД.
Во листата се вклучени 50 водечки пазари, групирани според пет клучни фактори важни за трговските синџири, кога избираат нови локации, вклучувајќи ги и квалитетот на инфраструктурата и побарувачката на потрошувачите.
Зрелите пазари во Азија - Хонг Конг, Сингапур и Јапонија, им нудат на трговците најдобри услови, поради што трите земји спаѓаат во првите пет на листата.
Освен САД, Велика Британија, исто така се претставува добро зараби поволната регулаторна средина и силната економија.
Од земјите од еврозоната во топ 10 пласманот се најдоа само Германија и Холандија. Континуираната несигурност во регионот негативно влијание врз операциите на трговците и тоа може да доведе до намалување на инвестициите во долг рок.
И покрај статусот на суперсила Кина е на 27-та позиција во рангирањето што го одразува нискиот рејтинг на земјата во однос на правење на бизнис и лошата инфраструктура, како и зајакнувањето на регулаторните режими.
Сепак компанијата предвидува дека во следните три години Кина ќе ги надмине САД и ќе стане најголем пазар за трговците на мало во светот. Поради тоа се потцртува влегувањето на кинескиот пазар да е приоритет за многу трговци и покрај економскиот застој.
Обработка: К.К.
Извор: property-magazine.eu