ЗАВРШИ ПОТРАГАТА ВО ВАРДАР: Извлечено и безживотното тело на хуманиот човек
Објавено во: Македонија 29 Август, 2020
Заврши потрагата по гостиварецот кој ноќеска се обидел да ја спаси 19-годишната девојка. Телото на 45-годишниот хуман човек во текот на денот го извлекле спасувачките екипи.
Инаку, според локалните медиуми, ноќеска околу полноќ девојката била забележана од очевидци во момент кога скокнала од мостот во близина на пазарот во Гостивар, а веднаш потоа во обид да ја спаси скокнал и човекот но двете тела веднаш исчезнале во водите на Вардар.
Потрагата започнала веднаш, по што утринава е извлечено прво телото на девојката, а сега и на човекот кој се обидел да ја спаси.
По наредба на обвинител врз безживотното тело на девојката ќе биде извршена обдукција, а во тек е истрага за настанот.