Закерберг наивно ќе ги излечи сите болести со само 3 милијарди долари
Објавено во: Свет 22 Септември, 2016
Интернет могулот Марк Закерберг заедно со сопругата Присила Чен ветија дека во наредните 10 години ќе донираат 3 милијарди долари во специјален фонд за медицински истражувања чија цел ќе биде да пронајде лек за сите неизлечливи болести за следната генерација.
„Можеме ли да им помогнеме на научниците да ги спречат, излечат и зауздаат сите болести додека се живи нашите деца? Верувам дека можеме. Медицината е модерна наука околу еден век, а остваривме неверојатен напредок. Очекуваниот животен век до крајот на овој век треба да се качи на 100 години. Денес само четири болести се виновни за повеќето умирања. Можеме да оставриме напредок против тие болеста со вистинската технологија, посочи Закерберг.
Медицинските аналитичари сметаат дека гестот е навистина добар и хуман со оглед дека истражувањата и клиничките тестови се многу скапи, но самата најава е премногу наивна и нереална.
Центрите за тешки болести во САД годишно работат со буџети кои изнесуваат до 100 милијарди долари со владини пари, донации и истражувачки напори од елитните факултети, па пак светот се соочува со тешки заболувања и нови болести за кои нема ниту лек ниту третман.