ЗАГУБАРИ: Дали после 14 години неработење ЕМО ќе се рестартира?

Добивај вести на Viber

Загубарот ЕМО наскоро би можел да добие нови сопственици. Ова го најави премиерот при посетата на Охрид. Според зборовите на премиерот интерес за  фабриката покажале две германски компании. ЕМО е некогашен гигант каде се произведуваа електронски композити, трансформатори, изолатори  и челични конструкции. - Едната од фирмите ќе земе поголем дел од ЕМО  и ќе останат само неколку објекти за кои се заинтересирани две други компании и со нив сме во разговори да ги убедиме да инвестираат. Така што комплетно цело ЕМО да биде повторно рестартирано што за автоделови, што за она што претходно го работеше во делот на трансформатори, далекуводи и слично, изјави Груевски. Инаку оваа некогаш успешна компанија замина во стечај во 2012 та година. Тогаш се случи околу  2.000 вработени да останат на улица, а сите досегашни влади безуспшено се обидуваа да му најдат газда или да го рестартираат. На крајот државата стана доминантен сопственик претворајќи ги побарувањата во свој влог. ЕМО, заедно со тутунски комбинат Прилеп, Еурокомпозит и Охис се преостанатите загубари, а откако во ТКП влезе Филип Морис, таму се очекува подобрување на состојбата. Договор за стратешко партнерство склучија Тутунскиот комбинат – Прилеп и гигантот „Филип Морис“. Двете компании ќе формираат ново друштво со ограничена одговорност „Филип Морис Тутунски комбинат Прилеп“ во кое „Филип Морис Интернешнл менаџмент“ ќе има 51 процент капитал учество, а ТК Прилеп 49 проценти. Управувачката структура ќе му припадне на странскиот партнер.