„ОБИДОТ ДА СЕ РЕШАТ ДВЕТЕ КЛУЧНИ ПРАШАЊА ВО ЕДЕН МАНДАТ Е ТЕШКА ГРЕШКА“: слушнете го ставот на Бранко Азески во „Бизнис Муабети“

Добивај вести на Viber

Има ли олигархија во Македонија, или олигарси? Дали Бранко Азески е комуњар или ВМРО-овец? Но и што мисли за изборните резултати?

И овие теми ги дискутираат Мишко Иванов и Бранко Азески во најновото издание на поткастот на Фактор, „Бизнис муабети“.

Добро познатиот претседател на Стопанската комора на Северна Македонија, Бранко Азески, одговараше на многу прашања, а целото интервју ќе можете да го видите во петок. 

На прашањето на колегата Иванов дали има олигарси во Макеоднија, Азески првично со потпрашање, за да бидат работите јасни...

-  Олигарси, мислиш парични? – загонетно прашува Азески.

Меѓу темите кои ги разговараат Иванов и Азески секако неизбежни се и политичките или партиските „чаршиски муабети“.

-  И пак Бранко Азески комуњар – вели првиот човек на Стопанската комора.

На што, нашиот Иванов му одговара со потпрашање, „па добро сега претседател на младина, комуњар си..., што може да си? ВМРО-овец не си“.

На што носат еден заеднички заклучок. Пгледнете:

Постизборно, секако неминовно беше да се продискутираат и деталите за изборните резултати. Каде Азески смета дека се должи падот на СДСМ?

-  Ако размислувам на темата како обичен граѓанин, би рекол дека обидот во еден мандат да се решат две клучни прашања и со Грција и со Бугариј е тешка грешка. За тој терет да го изнесе само една партија. Дали е храбро да загинеш, не знам – вели Азески.

Утре ќе имате можност да го видите и целосниот разговор меѓу Бранко Азески, претседател на Стопанската комора на Северна Македонија и водителот Мишко Иванов во поткастот на Фактор, „Бизнис Муабети.  

Фото: Принтскрин/Јутуб