Заев до Столтенберг - Грешката на ЕУ за нас е разочараувачка и фрустрирачка
Објавено во: Македонија 21 Октомври, 2019
Премиерот Зоран Заев денеска телефонски разговарал со Генералниот секретар на НАТО, Јенс Столтенберг, во кој размениле мислења за одлуката на ЕУ да го одложи стартот за преговори на нашата земја за членство во унијата.
„Премиерот Заев му го пренесе на Генералниот секретар Столтенберг расположението на граѓаните на земјата од историската грешка на ЕУ да не ги одобри очекуваните преговори за пристапување во полноправно членство како разочарувачко и фрустрирачко, наспроти фактот дека Република Северна Македонија ги исполни сите услови. Тоа не треба и нема да влијае и на остварувањето на втората од двете најголеми стратешки цели на државата – членството во ЕУ, и од спроведувањето на реформите до крај за да ги имплементираме европските вредности во сите наши институции, во сите пори на нашето живеење“, рекол Заев во разговорот со Столтенберг.
Премиерот Заев се заблагодарил за поддршката на НАТО во нашите евро-атлантски интеграции и истакнал дека Северна Македонија останува посветена на заокружувањето на процесот за полноправно членство во алијансата, како нејзин стратегиски и суверен избор да биде следната, 30-та земја членка.
Генералниот секретар на НАТО бил информиран од премиерот Заев за резултатите од лидерската средба кај претседателот Пендаровски, и за заеднички договорената согласност за организирање предвремени избори на 12 април идната година.