Заемот за „трамвајот на тркала“ во Скопје стаса во Собрание: 70 милиони евра ќе се враќаат 15 години
Објавено во: Македонија 06 Декември, 2020
Готов е Законот за задолжување на Макеодниј акај Европската банка за обнова и развој за проектот „Воведување на брз автобуски превоз во Град Скопје“. Законот за задолжувањето е по договорот за заем, а ќе се гласа по скратена постапка. Со овој проект треба да се воспостават две линии за брз автобуски превоз во Град Скопје. Односно впрочем треба да се направат патни коридори кои се резервирани само за автобусите - лентите да бидат или на средина или на работ од булеварите.
Макеоднија се задолжува за да го реализира овој прект за кој смета дека ќе го подобри квалитетот на превозните услуги на патниците во правец „исток - центар - запад“ и „југ – центар- север“, но и ќе го намали времетраењето на превозот на патниците, како и подобар пристап и користење на превозните услуги од страна на инвалидите и луѓето со посебни потреби.
Заемот е во вкупна вредност од 70 милиони евра а ќе се додели во две транши за двете линии за
брз автобуски превоз, односно транша 1 во износ од 47,6 милиони евра за
финансирање на линија 1 (исток - запад) и транша 2 во износ од 22,4 милиони евра
за финансирање на линија (југ - север) 2.
Рокот на отплата и на првата и на втората транша е 15 години - на 22 полугодишни рати на 20 април и на 20 октомври секоја година, започнувајќи од првиот датум од навршување на четвртата година од склучување на Договорот за заем.
Каматната
стапка е варијабилна и се состои од шестмесечен ЕУРИБОР зголемен за маргина од
1%.
„Република Северна Македонија ќе и плати на Европската банка за обнова и развој еднократна провизија во висина од 1% од износот на првата транша во рок од седум дена од денот на ефективност на траншата. Во рок од седум дена од денот на достапноста за користење на втората транша Република Северна Македонија ќе и плати на Европската банка за обнова и развој еднократна провизија во висина од 1% од износот на втората транша, стои во законот.
Градоначалникот на град Скопје Петре Шилегов неодмана изјави дека очекува до крајот на годинава да се потпише договорот со ЕБОР, а до февруари е рокот за изработка на идејниот проект, по што веднаш ќе се распише тендерот за набавка на возилата, изведба на трасата за движење и депото. „Очекувам што кон средината на наредната година ќе почне имплементацијата и воведувањето на новиот концепт на јавен превоз во Скопје. Според првичните проценки, приближниот број на патници кои ќе ја користат оваа траса ќе биде околу 65.000 на ден. Со имплементција на првата фаза се очекува времето на патување од сегашните 70 минути да се намали за повеќе од 50 отсто, да се зголеми фреквенцијата на автобуси на 3-4 минути. Автобусите да бидат со хибриден погон и со должина од 18 метри. Времето потребно едно возило да ја помине трасата од Ѓорче Петров до Ново Лисиче или обратно ќе биде 35 минути“, вели градоначалникот Петре Шилегов.
А.Т.