Заболените од Ковид-19 ќе добијат цела плата додека се на боледување

Добивај вести на Viber

Вработените кои имаат симптоми или се заболени од ковид-19 како и лицата кои се во изолација, но се асимптоматични, а за кои е констатирано дека се позитивни на Ковид-19, ќе ја добиваат целата основица од нето-платата иако се на боледување поради привремена спреченост за работа, одлучи Владата на синоќешната седница.

„На денешната седница беше разгледана Информацијата во врска сo регулирање на боледување на вработени лица заболени од КОВИД-19 како и вработени лица кои се во изолација заради спречување на зараза, врз основа на која беше донесен заклучок министерствата и органите на државната управа при регулирање на регулирање на овие прашања на вработените лица кои имаат симптоми или се заболени од КОВИД-19 и на лица кои се во изолација заради спречување на ширење на заразата, но се асимптоматични, а за кои е констатирано  дека се заболени од КОВИД-19, задолжително да побараат ИСР образец, односно боледување  согласно кој висината на надоместокот на плата за привремена спреченост за работа поради КОВИД-19 да изнесува 100% од основицата за надоместок на плата“, соопшти Владата.

Наедно донесен е заклучок со кој им се препорачува на организациите утврдени со закон, другите државни органи, правните и физичките лица на кои со закон им е доверено да вршат јавни овластувања, како и на општините, на Градот Скопје и општините во Градот Скопје исто така да ја почитуваат оваа одлука.