Втората најголема банка во Германија ќе укине 9600 работни места
Објавено во: Свет 29 Септември, 2016
Втората по големина германска банка „Commоerzbank“ објави дека во четвртокот планира да укине 9600 работни места до 2020 година и да скрати исплата на дивиденда како би ги платила трошковите на реструктуирање од 1,1 милијарди евра.
Во банката со седиште во Франкфурт напоменуваат дека поради тој план, кој во петокот треба да го одобри надзорниот одбор, ќе забележат загуба во третото тромесечие со оглед на отписот на „goodwill“ и друг нематеријален имот.
Во целата 2016 година се очекуваат сепак „благо позитивни“ резултати.
Ако биде одобрен планот, бројот на работници ќе се намали за 9600 во однос на сегашните 51 300. Менаџерите предвидуваат дека реструктуирањето ќе донесе заштеда од 6,5 милијарди евра годишно и ќе овозможи 2300 нови работни места.
Како и останатите германски банки, и „Commerzbank“ е соочен со неповолни трендови, вклучувајќи ниски каматни стапки во еврозоната, строга регулација, жестока конкуренција и доаѓање на пазарот на нови дигитални актери.