Врие во Земјоделство - министерот Димковски објави записник и му порача на Трипуновски да не злоупотребува
Објавено во: Македонија 14 Јануари, 2020
Тешко функционираат министерствата каде што, во согласност со Пржинскиот договор, има и дополнителни заменици министри.
Тоа се покажа и во случајот со Министерството за земјоделство.
И таму не стивнуваат препукувањата меѓу министерот Трајан Димковски и неговиот дополнителен заменик министер од редовите на ВМРО-ДПМНЕ, Цветан Трипуновски.
Министерот Димковски на фејсбук денеска го објави записникот, кој според него, е доказ за манипулацијата која дополнителниот заменик министер Цветан Трипуновски, и неговиот советник Марјан Атанасов, ја прават со земјоделците.
“Имено ова е записник во кој советникот на Цветан, констатира дека Екрем Јаји не постапил согласно укажувањето и не ја отстранил узурпацијата. Квалификувајќи го како узурпатор, со овој записник му е скратено правото на обештетување. Цветане кажете му ја вистината и престанете да ги злоупотребувате земјоделците за приватни цели“, пишува министерот Димковски на својот фејсбук профил.
Слични и посилни вакви препукувања имаше и во министерствата за внатрешни работи, за финансии, како и за труд и социјална политика.
Можеби ќе ве интересира
Петгодишно дете пронајденo со полиција во паркот во Сарај
Пронајдена човечка коска од гробишта каj Клинички центар
Од МВР нема одговор за „вооружената група во Чаир и Бутел“
Каевски и Мојсовски сметаат дека политички се обвинети од ОЈО
Нема да се знае кога ќе биде доведен Палевски, поради безбедносни причини
Деспотовски: Ново партиско раководство што ќе подаде рака кон членството
Изет Меџити кандидат за министер за внатрешни работи: Ќе видиме наредните денови
