Во Словенија се очекува „црна недела“, откако секој втор тестиран е позитивен на корона
Објавено во: Балкан, Корона Вирус 15 Ноември, 2021
Секој втор тестиран Словенец е позитивен на коронавирусот и се очекува „црна недела“.
Во земјата во последните 24 часа се потврдени 1.815 заразени со коронавирус, а тоа преставува 53,1 отсто позитивни тестови. Бројот на хоспитализирани за прв пат во овој бран на епидемијата надмина повеќе од илјада. Во болниците сега има 1.008 пациенти, од кои 226 се на одделенијата за интензивна нега. Владата нареди ново зголемување на капацитетот на одделенијата за интензивна нега.
Министерството за образование од оваа недела во училишните простории им пропиша на учениците да спроведуваат самотестирање.
Учениците чии родители одбиваат нивните деца да бидат тестирани, ќе мора да ги следат часовите онлајн од дома.
На најновата ковид мапа, Словенија беше во темно црвена зона.