Во овaa земјa нема повеќе возење на автомобили постари од 20 години
Објавено во: Свет 16 Јануари, 2017
Забрането е од денеска да се движат автомобили произведени пред јануари 1997 година.
Налепници, декорирани во различни бои, ќе ги класифицираат возилата во 6 одделни категории, во зависност од штетните емисии кои ги емитуваат. Тие стануваат задолжителни за сите кои возат на територијата на Париз.
Возила регистрирани пред 1997 година, остануваат без налепници и надвор од движење во работните денови од 8 часа до 20 часот. Во критични денови, со пик на загадениот воздух, дозвола да излезат на улица ќе имаат само автомобилите кои загадуваат најмалку. Годишно во Франција нечистиот воздух убива над 48 000 лица, или тоа се 9% од сите смртни случаи во земјата. Досега над 1,5 милиони луѓе се опремени со еко налепници кои чинат 4,50 евра. Прекршителите ќе бидат казнети со глоба, а возачите на еко автомобили се охрабруваат со бонуси, меѓу кои пониски такси за паркирање и дозвола за движење во специјалните ленти. Примерот на Париз веќе го следи Гренобл, а наскоро се очекува мерката да стане задолжителна и во други француски градови. Загадениот воздух ја чини Франција годишно 101 милијарди евра. Во сумата влегуваат не само штети од здравствено природа, но и последици врз згради, екосистеми и земјоделството. Една од најсериозните мерки кои земјата ги предвидува во борбата со лошиот квалитет на воздухот, е запирање на дизел автомобили по 2020 година.