Во оваа земја 110 девојчиња се киднапирани
Објавено во: Свет 26 Февруари, 2018
Властите во Нигерија денеска признаа дека девојките кои исчезнаа пред една недела, по нападот на екстремистичката група „Боко Харам“ врз нивното училиште во североисточниот дел на земјата се киднапирани.
Се работи за 110 девојчиња. Претседателот Мухамаду Бухари изјави дека ученичките се киднапирани и не е познато каде се однесени.
Бухари додаде дека им наредил на безбедносните агенции на земјата да ја осигураат безбедноста на училиштата и учениците.
Масовното киднапирање е голем предизвик за претседателот, кој киднапирањата во Дапчи ги опиша како „национална катастрофа“ и вети дека нема да бидат поштедени напорите за лоцирање на девојките.
Бухари победи на изборите во 2015 година, а борбата против Боко Харам ја направи приоритет. Неговата влада постојано тврди дека исламската екстремистичка група е поразена, но истата продолжува да врши смртоносни самоубиствени напади во северниот дел на Нигерија.
Киднапирањето е слично со она што се случи во Чибук пред три години, кога „Боко Харам“ изврши масовно киднапирање на 195 девојки, од кои лани на слобода пушти 82. Киднапирањето на девојките од Чибук тогаш поттикна осуда од светски размери и голема кампања за нивно ослободување на социјалните медиуми.