Во Италија се раѓа незадоволство кон ЕУ - имаат забелешки за Брисел
Објавено во: Свет 27 Јануари, 2017
Италијанците не се задоволни од Европската унија и се жалат дека нивната материјална состојба се влошува.
За лани велат дека биле посиромашни, а истото го забележуваат и кај другите луѓе.
Помалку од половина од Италијанците сакаат државата да остане во Европската унија, а над две третини обвинуваат дека Унијата не помага за решавање на мигрантската криза.
Ова се резултати од анкетата на институтот Еуриспес.
Вкупно 48,8% од анкетираните Италијанци се против евентуално напуштање на ЕУ, а 29,5% поддржуваат спроведување референдум како во Британија.
71,5% од Италијанците ја обвинуваат ЕУ дека не помага во решавање на кризата со мигрантите, а 70,2% сметаат дека Брисел им бара неправедна економска жртва.
За изминатата година, 48,5% анкетирани граѓани тврдат дека им се намалила куповната моќ, 77,2% познаваат луѓе на кои платата не им е доволна за да го поминат месецот, а 24,2% се чувствуваат сиромашни.