ВМРО-ДПМНЕ: Ставот на амбасадата на САД не е официјален став на Трамп
Објавено во: Македонија 01 Февруари, 2017
Очигледно е дека нема потврда дека ставот на американската амбасада во Скопје е официјален став и сугестија на новата администрација во Вашингтон, реагираа денеска од ВМРО-ДПМНЕ.
Партијата претходно побара амбасадата на САД да појасни дали нивниот став дека не треба да има нови избори, односно дека партиите во сегашниот состав мора да разговараат за формирање на идната влада, е официјален став на Вашингтон. Американската амбасада денеска не даде појаснување и само кусо соопшти дека кажале што имаат да кажат.
Амбасадата на САД во понеделникот ги повика политичките партии во Македонија да продолжат со разговорите за формирање на влада, откако во неделата ВМРО-ДПМНЕ и мандатарот Никола Груевски не успејаа да состават влада.
ВМРО-ДПМНЕ потоа побара појаснување дали станува збор за официјален став на новата американската администрација на претседателот, Доналд Трамп.
Можеби ќе ве интересира
Петгодишно дете пронајденo со полиција во паркот во Сарај
Пронајдена човечка коска од гробишта каj Клинички центар
Од МВР нема одговор за „вооружената група во Чаир и Бутел“
Каевски и Мојсовски сметаат дека политички се обвинети од ОЈО
Нема да се знае кога ќе биде доведен Палевски, поради безбедносни причини
Деспотовски: Ново партиско раководство што ќе подаде рака кон членството
Изет Меџити кандидат за министер за внатрешни работи: Ќе видиме наредните денови
