Владата одвои 5 милиони евра за „Мој ДДВ“ и ќе даде помош за земјотресот во Албанија
Објавено во: Македонија 04 Октомври, 2019
Владата на РСМ информираше дека на последната седница е утврден дополнетиот Предлог за изменување и дополнување на вуџетот за 2019 година заради поврат на ДДВ, а ќе се обезбеди и помош за неодамнешните земјотреси во Албанија.
Измените во Буџетот за 2019 година, меѓу другото, обезбедуваат средства за поврат на дел од данокот на додадена вредност кон физичките лица во износ од 300 милиони денари со што ќе се обезбеди дополнителен приход во секое семејство;
Владата го задолжи МНР да стапи во контакт со надлежните владини институции на Албанија за да бидат разменети информации за тоа каква помош е најсоодветна да биде упатена за да се санираат последиците од неодамнешниот земјотрес во оваа наша соседна земја.