ВЛАДАТА НА ПОТЕГ: Занаетчиите побараа неповратна минимална плата
Објавено во: Економија, Корона Вирус 13 Мај, 2020
Занаетчиите се во тешка состојба и побараа неповратна минимална плата додека трае пандемијата на Ковид 19.
Од Занаетчиската комора денеска побараа од Владата и за нив да има минимална плата која нема да ја враќаат, а ќе се исплаќа додека трае пандемијата.
„Ги пренесовме нашите забелешки и барања кои сметаме дека треба да се исполнат. Од страна на министерот беше кажано дека сите наши барања ќе бидат разгледани и прифатени со цел да им помогнеме на занаетчиите да ги задржат дуќаните отворени и да ги задржат работните места“, велат од Занаетчиска комора.
Додаваат дека досега не биле вклучени во ниту една владина мерка.Министерот за економија Крешник Бектеши денеска одржа работен состанок со претставници од Комората на занаетчии, а во наредниот период би требало да бидат исполнети.