Владата ќе носи закон за стратешки инвестиции, кои се тие?
Објавено во: Македонија 19 Ноември, 2019
Владата на денешната седница ќе ја разгледа информацијата во врска со барањето за согласност на ТАВ Македонија за зголемување на капацитетот на аеродромот „Св. Апостол Павле“ Охрид.
За оваа седница на дневен ред е и точката за Информација со текст на Предлог-закон за стратешки инвестиции во земјава, како и Предлог-стратегијата за транспарентност на Владата, за што таа треба да донесе мислење.
„На предлог на Министерство за труд и социјална политика на оваа седница ќе биде разгледана Предлог-уредбата за методологијата за утврдување на критериумите за распределба на блок дотации за јавните установи за деца-детски градинки и центри за ран детски развој во состав на јавни детски градинки по општини за 2020 година, а Министерството за здравство ќе ја презентира информацијата со барање за отпочнување постапка за доделување на повеќегодишен договор за јавна набавка и акционен план за Реализација на проект за изградба на два нови болнички објекта за потребите на ЈЗУ Психијатриска болница во Демир Хисар“, се вели во соопштението.
На агендата е и информацијата за добивање на одобрение за отпочнување на постапка за јавна набавка за склучување на повеќегодишен договор за продолжување со изградба на ООУ „Димитар Македонски“, Општина Аеродром, Скопје, на Министерствотоза образование и наука.
Министерството за надворешни работи за оваа седница ги
става точките Предлог-одлука за давање согласност за отворање Генерален
конзулат на Република Албанија во Република Северна Македонија, со седиште во
Струга, и Предлог-одлука за отворање Генерален конзулат
на Република Косово во Република Северна Македонија, исто такаво Струга.