(ВИДЕО) Во Мостар над 15 луѓе повредени од невремето
Објавено во: Балкан 24 Февруари, 2019
Повеќе од 15 луѓе побарале медицинска помош во босанскиот град Мостар, откако се здобиле со повреди при невремето проследно со силен ветер, што дувал со брзина од 80 до 100 километри на час.
Како што соопшти Федералната управа за цивилна заштита, силниот ветер носел покриви, оштетувал фасади на станбени објекти, кршел и корнел дрва и превртил неколку камиони, блокирајќи повеќе улици и околни патишта во Мостар и предизвикувајќи значителна материјална штета.
Силниот ветер туркал и столбови на електричната мрежа, поради што неколку делови на Мостар повеќе часови останале без струја.
Противпожарна служба информираше дека на повик на граѓаните имала 16 интервенции, при кои нејзините припадници помагале во отстранување на последиците од невремето.
Федералниот хидрометеоролошки завод на Босна и Херцеговина соопшти дека и утре се очекуваат силни веторови во Херцеговина и во југозападна Босна. Властите апелираат граѓаните да не излегуваат од дома.Вчера во Требиње имаше хаос, по што целата област беше без струја.