(ВИДЕО) Холивудска кражба низ улиците на Дебар се одвиваше денеска
Објавено во: Економија 29 Јули, 2014
Денеска околу 13 часот вооружена престрелка ги вознемири граѓаните на Дебар.
Имено, шест маскирани разбојници вооружени со автоматско оружје влегле во златарниците со намера да ги ограбат, на што се соочиле со отпор од нивните сопственици. Тие употребиле огнено оружје и со три куршуми раниле еден од сопствениците на златарите. Со повредил се здобило и едно лице кое се наоѓало во златарата како купувач.
Првичните информации кажуваат дека сопственикот на златарата е повреден во стомакот и во ногата, поради што е итно пренесен во Ургентниот центар во Скопје каде над него е извршен оперативен зафат.
Разбојниците веднаш по престрелката побегнале со џип кој насилно го одзеле од човек кој во тој момент поминувал на улицата. Дебарската полиција започна интензивна потера по криминалците. Постои основано сомневање дека разбојниците се од соседна Албанија поради што за да не им дозволи да побегнат, полицијата привремено го затвори граничниот премин кај дебар. Порталот Алмакос ги објави видеата од престрелката кои можете да ги погледнете подолу. (Фото:Мрт, Видео:Алмакос)