(ВИДЕО) Без жртви заврши заложничката драма во Париз
Објавено во: Свет 13 Јули, 2015
Вооружени лица држеле заложници во продавница во близина на Париз, соопштува агенцијата „Франс прес“, повикувајќи се на информации од полицијата.
Полициски извори информираат дека бил направен обид за грабеж во северното париско предградие Вилнев-ла-Гарет.
Првично се соопштуваше за 10 лица, но подоцна било јасно дека заложниците биле 18.
На местото се испратени тимови на специјалците.
Полицијата го запрела целиот сообраќај во реонот околу трговскиот центар „Куарц“. Сите продавници наоколу исто така биле затворени.
Околу 6.30 часот по локално време двајца или тројца вооружени напаѓачи влегле во продавница „Праимарк“, претпоставувајќи дека првобитната намера била вооружен грабеж“, објаснил полициски извор, кој побарал анонимност.
Според податоците на полицијата групата вооружени лица влегла во продавница, која се наоѓала во трговски центар во предградието на Париз. Внатре биле блокирани 10 лица.
Продавницата „Праимарк“ е заградена од тимови на специјалци.
Официјален претставник истакнал дека не е јасно дали 10-те лица, кои беа блокирани во продавницата, се земени за заложници или се скриле од вооружените напаѓачи. Тие се вработени во продавницата.
Во моментов нема индикации дали осомничените за денешниот инцидент, северно од Париз, се поврзани со тероризам.
Франција останува под зголемена тревога за безбедноста по масакрот во канцеларијата на сатиричното списание „Шарли Ебдо“ во јануари, извршено од вооружени лица поврзани со „Ал Каеда“, како и нападот, во кој инспириран од „Исламска држава“ вооружен човек уби четворица во еврејски супермаркет .
Заложничката драма завршила, откако специјалните сили ги евакуирале 18-те лица од трговскиот центар. Нема извештаи за повредени. Полицијата трага по тројца вооружени кои избегале.
[embed width="700" height="450" ]https://youtu.be/WYDgbPxxwVc[/embed]