Вакцините АстраЗенека пристигнуваат во недела
Објавено во: Македонија, Корона Вирус 25 Март, 2021
Во Македонија во недела ќе стигнат 24.000 дози од вакцината АстраЗенека преку Ковакс механизмот, објави вечерва министерот за здравство Венко Филипче на својот Фејсбук профил.
Како што најавија властите, со нив треба да почне вакцинацијата на населението.
„Оваа недела на 28 март, во 07:55 часот во Скопје пристигнува првата пратка од 24.000 вакцини на ‘Астра Зенека’ преку Ковакс системот“, напиша Филипче.
Македонија од Ковакс програмата треба да добие 100.800 вакцини од АстраЗенека и според претходните најави останатиот дел на дозите треба да биде испорачан во земјава во првата половина на април.
foto freepik