ВАГНЕР СЕ СИТНИ: Русинка тврди дека сега имаат само 10.000 борци
Објавено во: Свет 24 Јануари, 2023
Oд организацијата „Русија зад решетки“ велат дека групата Вагнер која се бори во Украина е пред колапс.
Ова го тврди Олга Романова, која се бори за правата на затворениците. Вели дека многу борци исчезнале или загинале, а од 50.000 само уште 10.000 се борат.
Украинските разузнавачи исто велат дека групата е раситнета. Борците на „Вагнер“ станаа потрошна пешадија во руската офанзива во источна Украина, се наведува во документ на украинското воено разузнавање, кој покажува колку се ефективни околу Бахмут и колку е тешко да се војува против нив.
„Вагнер“ е приватна воена компанија на олигархот Евгениј Пригожин, која добива сè позначајна улога во војната во Украина.
„Смртта на илјадници борци на ‘Вагнер‘ не му значи ништо на руското општество. Напаѓачките групи не се повлекуваат без наредба. Неодобрено повлекување се казнува со егзекуција на самото место“, стои во извештајот, пренесува Си-Ен-Ен.
Ранетите остануваат на бојното поле со часови.
„На напаѓачките единици не им е дозволено сами да ги извлекуваат ранетите, зашто нивната главна задача е да напаѓаат додека не биде постигната целта. Ако нападот не биде успешен, повлекувањето е дозволено само ноќе“, се вели во извештајот.
Најмалку осум Американци загинаа досега во Украина.Руската инвазија на Украина почна лани на 24 февруари.
Украина сега ја тресат корупциски скандали.Фото: Гети