Упад во просториите на Google во Париз поради затајување даноци
Објавено во: Свет 24 Мај, 2016
Голема полициска акција почнала во канцелариите на Google во Париз утрово, соопштува Le Monde, цитирани од агенциите.
Акцијата почна во 5 часот наутро по локално време. Француските власти ја истражуваат компанијата за извршени даночни прекршоци. Во операцијата се вклучиле даночни службеници, петмина обвинители и вработени од Бригадата за борба против тешки злосторства. Првите обвиненија против компанијата во Франција беа покренати пред пет години. Во февруари годинава во медиумите се појавија информации, вклучувајќи и во светските агенции дека француските даночни власти бараат над 1,6 милијарди евра неплатени даноци од корпорацијата.
Властите во Париз не ја коментираат оваа информација.