Уапсени муслиманки – носеле буркини на плажа
Објавено во: Свет 18 Август, 2016
Во француското летувалиште Кан се уапсени 10 муслиманки за три недели затоа што носеле буркини на плажа.
Ова се случи откако е воведена забраната на носење буркини во повеќе градови во земјата.
Кан е еден од трите градови кој ја забрани таа облека по исламистичкиот напад во Ница, во кој на 14 јули беа убиени 85 луѓе.
Официјални лица тврдат дека носењето на буркини е во спротивност со француските закони за секуларизам. Беше кажано и дека носењето на ваков костим не е хигиенски. Четири жени ќе платат казна по 38 евра, а шест ја напуштиле плажата.
Муслиманските групи велат дека забраната е неуставна, исламофобична и дека ќе води кон поделби во општеството.
Францускиот управен суд ќе донесе одлука наредните денови за легализирање на забраната на буркините. Во интевјуто за весникот „Прованса“ премиерот Мануел Валс ги поддржал локалните забрани, но рекол дека не гледа потреба за законот на ниво на државата.
Италија засега нема да ги казнува оние кои носат буркини, но ќе има построги контроли за имамите и џамиите.