Тужби ако муслиманите ученици не се ракуваат со професори во Швајцарија
Објавено во: Свет 26 Мај, 2016
Ниту еден ученик не смее од религиски причини да одбие ракување со својот професор, пресудија образовните институции на еден швајцарски кантон.
Пресудата која е донесена во Кантонот Базел се однесува на двајца муслимански браќа, тинејџери кои минатиот месец одбиле да се ракуваат со нивната професорка, што предизвикало негодување во јавноста. Браќата изјавиле дека физички контакт со жена е забранет во нивното сфаќање на исламот. На нивните родители сега им се заканува тужба доколку нивните синови повторно одбијат ракување со професорки, што е вообичаен начин на поздравување на учениците со професорите во швајцарските училишта.