Добивај вести на Viber
Турција најверојатно никогаш нема да влезе во Европската унија поради предрасудите на некои членки на ЕУ, рече турскиот министер за односи со ЕУ и главен преговарач, Егемен Багис во изјава за британски Телеграф.
Турција најверојатно ќе преговара за специјален пристап до европскиот пазар, како што беше на пример Норвешка, рече Багис. Тој рече дека неговата земја страда од предрасудите, што се покажува на нејзиниот пат кон ЕУ, како и од неодамнешниот неуспех на нејзината кандидатура за Олимписките игри.
Турција во 1964 година потпиша договор со ЕЕЗ, аплицираше за членство во 1987, а во 1999 е признаена како земја-кандидат. Во декември 2004, најавени се преговорите за членство со Турција, кои започнаа на 3 октомври 2005 година. Затворено е само едно од 13 поглавја, а од останатите 20 поглавја, 17 биле блокирани од страна на земји членки на ЕУ.
Германија и Франција досега најгласно изразуваа загриженост за интеграцијата на Турција во ЕУ. Германскиот министер за финансии Волфгагн Скаеубле во јули отворено рече дека Турција не е дел од Европа.