ЦРВЕНИ, ПЛАВИ, ЗЕЛЕНИ И ЦРНИ: Дали знаете зошто пасошите се прават само во четири бои?
Објавено во: Свет 03 Март, 2016
Пасошот е клуч за влез во други земји, а дали знаете дека тие се прават во само неколку одредени бои.
Воглавно, пасошите доаѓаат во црвена, плава, зелена и црна боја кои се сметаат стандардни за овој вид на исправа. Иако правилата се ограничени на овие четири бои, можно е да се направат во нивни различни нијанси, рекол Хуран Богосиан, потпретседател на маркетинг интерактивните бази на пасоши Passport Index.
Тој открива дека постојат бројни причини поради кои земјите се одлучуваат за одредени бои, а обично тоа се географски и политички мотиви.
„Членките на Европската унија користат темноцрвена, додека државите членки на Кариком користат плави пасоши“, рекол овој експерти. Кариком претставува организација на 15 карипски народи кои се здружиле поради економските интеграции и соработка.
Некои сметаат дека бордите бои се дел од комунистичкото минато, а дека плавите пасоши се симбол на „новиот свет“ -Северна и Јужна Америка, Океанија итн. Сепак, кај некои земји улогата во избор на боја игра и верата, па така бројни исламски земји користат зелени пасоши поради важноста на таа боја во нивната религија. Се верува дека зелената боја му е омилена боја на Мухамед, а со тоа и симбол на природата и животот.
Останатите нации бираат боја по индивидуален карактер и идентитет.„Швајцарските пасоши се жар црвена боја, додека пасошот на Турција е променет во борда боја со надеж дека ќе влезе во Европската унија“, рекол Богосин.
Сепак, изработката на пасошот, а со самото тоа и бојата често ја диктира праксата, односно често се прават онакви какви се на располагање на одредена земја.
„Производството на пасоши е многу добро контролиран процес, а го извршуваат само неколку компании во светот“, вели овој експерт.