ЦРНО СЦЕНАРИО: Исламисти сакаат да се инфилтрираат во германската војска
Објавено во: Свет 28 Август, 2016
Исламисти се обидуваат да се приклучат во германската војска.
Ваква информација се појави во медиумите. Тие сакаат да се здобијат со воена обука и да ја искористат за напади во Германија и странство, пишува весникот „Велт ам зонтаг“.
Вооружените сили бараат безбедносни проверки на регрутите од страна на контра-разузнавачките агенции почнувајќи од јули следната година, со цел побрзо да се откријат евентуални екстремисти, терористи и криминалци, пишува весникот.
За таква безбедносна проверка ќе бидат потребни измени во законите кои се однесуваат на војската, а во предлог-документите, со кои се оправдуваат овие измени, се наведува дека постојат индиции дека исламисти се обидуваат да им се приклучат на вооружените сили поради обука.
Германската влада се подготвува следната недела да одобри измени во законите.
Разузнавачите проверуваат 64 осомничени исламисти, 268 осомничени десничарски екстремисти и 6 левичарски екстремисти во вооружените сили.