Трајко Вељаноски против пет потпретседатели на Собрание: Демократијата е скапа играчка
Објавено во: Македонија 25 Август, 2020
Трајко Вељаноски, поранешниот спикер, е против продолжување на последновоспоставената пракса за избор на пет потпретседатели на македонското Собрание затоа што, како што вели, не постои економска оправданост за тоа.
„Во врска со закажаната седница за бројот на потпретседатели во Собранието, сакам да ја информирам јавноста како било за време на претходната власт а како е сега.
Во време на претходната власт:
2006-2008 година - 3 потпретседатели
2008-2011 година - 3 потпретседатели
2011-2014 година - 3 потпретседатели
2014-2016 година - 3 потпретседатели
За време на сегашнава власт:
2016-2020 година - 5 потпретседатели
2020-2024 година - 5 потпретседатели
Примери во други држави:
- САД - 435 пратеници - 1 потпретседател
- Велика Британија - 650 пратеници - 3 потпретседатели
- Словенија - 90 пратеници - 3 потпретседатели
- Италија - 630 пратеници - 4 потпретседатели
- Германија - 709 пратеници - 5 потпретседатели
Демократијата е скапа играчка, но изгледа само во Македонија важи правилото, што поскапо тоа е поголема демократија !!!!!!!!!
Нема економска оправданост и причина за толкав број на потпретседатели на Собранието“, објави Вељаноски.
Денеска за во 11 часот е закажана собраниска седница на која на дневен ред е утврдувањето на бројот на потпретседатели - предлогот ќе стаса од претседателот Талат Џафери, кој според информациите ќе предложи да има пет потпретседатели.