Тестирања за Ковид-19 во Поликлиниката Чаир, и „Млин Балкан“
Објавено во: Македонија, Корона Вирус 30 Март, 2020
Се отвораат нови пунктови за тестирање за коронавиросот. Од денеска во Скопје тестови ќе се прават во Поликлиника Чаир, а како што е најавено до крајот на неделава и во Поликлиниката „Млин Балкан“. И во новите пунктови, граѓаните ќе може да се тестираат откако претходно ќе бидат закажани од страна на матичните лекари.
-Увидот е завршен во сите, приватни институции, во двете приватни болници „Жан Митрев“ и „Систина“, во лабораторијата „Авицена“. Во текот на денешниот ден, увид ќе биде извршен и во и во лабораторијата „Биотек“, нагласи министерот Венко Филипче на вчерашната прес-конференција.
Филипче истакна дека, според мислењата на епидемиолозите, ќе се зголеми бројот на потребните тестирања, и нагласи дека системот за мобилни тестирања е подготвен и тој ќе почне да се применува веќе во наредните денови во Скопје.
Наскоро, како што најави министерот, уште два пункта ќе се отворат во другите градови во државата.