TEШКА СООБРАЌАЈКА: Повредени тројца во струмичко
Објавено во: Македонија 15 Февруари, 2020
Во судир на повеќе возила повредени три лица кај Струмица.
Едно лице е потешко повредено, а две полесно во сообраќајната несреќа што се случи во 07.40 часот на регионалниот пат Струмица- Ново Село, меѓу селата Дабиле и Босилово.
Во сообраќајката учествувале три автомобили „тојота корола“, „шевролет спарк“ и „рено твинго“. Еден автомобил се запалил, но пожарникарите успеале да го извлечат повредениот од него.
Во извлекувањето на повредените пожарникарите користеле и специјален хидрауличен алат.
На местото на несреќата увид изврши увидна екипа на струмичката полиција.