СЗО СО ПЕСИМИСТИЧКА ПРОГНОЗА ЗА 2021: Ќе биде потешка, новиот вид брзо се пренесува
Објавено во: Македонија 14 Јануари, 2021
Ширењето на корона
вирусот многу побрзо се шири, односно се пренесува на северната хемисфера од
земјата каде што е присутна мутацијата, односно новиот вид, предупредува
денеска Светската здравствена организација, заради што сметаат дека 2021 година
би била потешка од првата година на пандемијата.
Епидемиологот во СЗО, Марија Ван Керхове вели дека по празниците, епидемиолошката слика во некои од земјите би била многу полоша, особено поради фактот дека на глобално ниво, минатата недела се регистрирани 5 милиони случаи на новозаразени со Ковид-19.
Во изјава за Ројтерс, пак, претставникот на СЗО, Мајк Рајан вели дека втората година од пандемијата ќе биде многу потешка од лани поради неколку клучни фактори.
-Влегуваме во втората година на пандемијата, а таа може да биде потешка, пред се поради новиот вид на корона вирусот кој многу побрзо се пренесува, вели Рајан за Ројтерс.