21 Јануари, 2020
0.0203

Старите пријатели Катица Јанева и Бојан Јовановски денеска ќе се видат на суд

Објавено во: Македонија 03 Декември, 2019

Денеска во Кривичниот суд започнува рочиштето за случајот „Рекет“ на кое по подолго време ќе се видат обвинетите Бојан Јовановски и Катица Јанева, како и Зоран Милевски. 

Јавноста очекува дали ќе ја признаат вината и дали ќе има одговор на тоа каде завршиле еден и половина милион евра земени од бизнисменот Орце Камчев, особено што Јовановски како поранешен неформален управител на 1ТВ и Јанева како поранешна специјална обвинителка не дадоа исказ во текот на истрагата.

Боки 13 ќе биде спроведен од истражниот затвор „Скопје“ во Шуто Оризари, додека Јанева и Милевски ќе бидат доведени од куќен притвор. Особено негативни реакии во јавноста предизвика одлуката на Апелација да и` го укине притворот на Јанева и да го замени со куќен на 19 ноември, при што дојде до отворен судир помеѓу судот и Вилма Рускоска, шефицата на Обвинителството за организиран криминал и корупција.

Она што досега е познато е дека Обвинителството за организиран криминал и корупција предводено од Вилма Рускоска поседува докази за дел од парите за кои тврдат дека не завршиле во џебовите на политичари.

Обвинителството и Рускоска тврдат дека мозокот на операцијата бил Јовановски, кој користејќи го пријателството со Јанева успеал за финансиски надомест да му ја олесни положбата на Камчев како осомничен бизнимен во случајот „Имеприја“, да му се укине притворот и замени со куќен, а потоа и да му се врати пасошот. Милевски пак ја имал улогата на посредник меѓу Јовановски и сопружниците Камчеви. 

Првата рата од 500 илјади евра која Јовановски ја зел од сопругата на Орце Камчев, му овозможила укинување на притворот, а втората од милион евра му овозможува враќање на пасошот. Според доказите, Јанева зела 50 илјади евра од парите и добила мебел вреден 296 илјади денари од Јовановски.

Истрагата за случајот „Рекет“ се прошири и кон невладината организација „Меѓународен сојуз“ каде што се евидентирани уплати на бизнисмените Силјан Мицевски од 726 илјади евра и Ардија Амзоски од 260 илјади евра, за проект за изградба на дом за стари лица, кој никогаш не почна. Парите биле префрлени на сметка на пензионерка од Скопје. Во вториот дел од истрагата е осомничена и потпретседателката на Собранието од редовите на СДСМ, Фросина Ременски, на која и` се изречени мерки на претпазливост.

Инаку Апелацискиот суд вчера требаше да ја разгледуваше жалбата за притворот на првообвинетиот Јовановски, но не донесе одлука по повлечениот предлог и за истата остави простор да биде објавена по состанувањето закажано за утре.

Бојан Јовановски во меѓувреме останува во притвор во КПУ Затвор-Скопје, каде што беше вратен по неколкудневна хоспитализација во Градската општа болница „8-ми Септември“.


Можеби ќе ве интересира

ФОКУС НА ДЕНОТ: Хумани граѓани ќе помогнат на Јованови, договор за Законот за ЈО уште нема

ФОКУС НА ДЕНОТ: Хумани граѓани ќе помогнат на Јованови, договор за Законот за ЈО уште нема

СЕ ГУШИМЕ: Пет градови со eкстремно загаден воздух

СЕ ГУШИМЕ: Пет градови со eкстремно загаден воздух

ЗАВРШИ СРЕДБАТА МАРИЧИЌ - МУЦУНСКИ: Постои камен на сопнување за Законот за ЈО

ЗАВРШИ СРЕДБАТА МАРИЧИЌ - МУЦУНСКИ: Постои камен на сопнување за Законот за ЈО

Украдени скоро 27 тони јаболка од магацин во Ресен

Украдени скоро 27 тони јаболка од магацин во Ресен

Исчезна 28 годишна девојка од Босилово

Исчезна 28 годишна девојка од Босилово

Поранешен кандидат на СДСМ за градоначалник поставен за привремен директор на „Дрисла“

Поранешен кандидат на СДСМ за градоначалник поставен за привремен директор на „Дрисла“

ДИК повторно се прогласи за ненадлежна, овој пат на барање на Чулев

ДИК повторно се прогласи за ненадлежна, овој пат на барање на Чулев

Што има ВМРО-ДПМНЕ во „ракавот“ за Рекет, а јавноста не го знае

Што има ВМРО-ДПМНЕ во „ракавот“ за Рекет, а јавноста не го знае

Врховниот суд ќе ги преиспитува пресудите на Груевски и јанкулоска во „Тенк“

Врховниот суд ќе ги преиспитува пресудите на Груевски и јанкулоска во „Тенк“