СОВЕТИ: Како најевтино да резервирате авионска карта?

Добивај вести на Viber

Дваесет и девет годишниот Џек Шелдон од Тексас, основач на сервисот Jack’s Flight Club, им открил на читателите на Индепендент неколку начини за резервирање на што поевтини авионски летови.

Мажот кој од Велика Британија долетал до Белизе за само 20 евра го советува ова:

Избегнувајте директни резервации. Иако е најлесно да се резервираат авионски карти по пат на сајтот на авиокомпанијата, најевтини понуди всушност нудат бројни патнички агенции.

Издвојте доста време за пребарување. Повеќето луѓе поради работата и обврските не стигнуваат да поминуваат многу време во разгледување на понуди, што е голема грешка. Најдобри понуди често не се најочигледни, така да за евтина карта мора малку да се испотите.

Времето за резервирање карти е многу важно. Никогаш не купувајте авионска карта во екот на сезоната. Јануари и февруари се најдобри месеци кога планирате летување, додека најдобро време за купување карти за патување е во време на Божиќ.

Игнорирајте ги митовите. Во последните неколку години во интернетот се раширија гласини дека авиокомпаниите го следат вашето интернет пребарување, и секој нареден пат кога пристапите до нивните сајтови ја зголемуваат цената на картите. Меѓутоа, тоа е заблуда. Бришењето на „колачиња“ нема да помогне, како ни купување во одредени денови, или во моментот на објавување на редот на летање. Мит е и дека купување во последни моменти секогаш е најскапо-за споредба, авикомпанијата Томсон неодамна имала 'last-minute' понуда за повратна карта од Велика Британија до Доминиканската Република за 310 евра.

Прстите нека ви бидат што побрзи. Доколку дојде до грешка на некој сајт, или налетате не некоја специјална понуда, не двоумете се многу бидејќи таквите шанси траат од неколку часа до неколку дена. Исто така не вознемирувајте се од резервациите кога забелжите грешка на некој сајт бидејќи авиокомпаниите секако се должни да ви ги рефундираат уплатените пари во случај на непризнавање на купената карта.