СОНК неодлучен дали да ја прифати понудата на Владата, Адеми вели изборот е согласност или штрајк

Добивај вести на Viber

На денешната средба на Синдикатот за образование, наука и култура со министерот за образование Арбер Адеми немаше консензус помеѓу членовите на СОНК дали е прифатлива понудата на Владата од 10 отсто за покачување на платите на просветните работници од април следната година. Владата вчера им понуди уште едно зголемување од 10 отсто на она од 5 проценти што веќе стартуваше со септемвриската плата, а Адеми рече дека рокот за спроведување не е изводлив како што бараат наставниците и професорите тој да започне од јануари, наместо од април.

Просветните работници се уште ќе размислуваат за понудата, додека Адеми вели ултиматум или не - тоа се можностите, а во духот на демократијата СОНК може да избере штрајк или покачување, но сепак Владата треба да одлучи.

Де од просветните работници, меѓу кои9 и лидерот Јаким Неделков, се декларираа како задоволни но сепак велат може секогаш повеќе, бидејќи апетитите за задоволување на потребите секогаш се големи.

Колку и да е висока платата, никогаш не е доволна, рече првиот човек на Синдикат за образование, наука и култура.

Доколку СОНК не ја прифати понудата од 10 отсто штрајкот би почнал наредниот месец..

Адеми истакна дека овие барања ќе бидат пренесени во Влада на денешната седница, каде се очекува да се усвои предлогот на министерството за покачување на платите.

А од СОНК велат дека кон крајот на неделата ќе излезат со став