СЛУЧАЈ ВО ЛАТИНСКА АМЕРИКА: Дресираат кучиња за да препознаваат заразени

Добивај вести на Viber

Полицијата во Чиле дресира кучиња да ги намирисаат болните од коронавирусот преку нивната пот. 

Три златни ретривери и лабрадор на возраст од 4 до 5 години кои досега се користени за откривање дрога, експлозиви и исчезнати луѓе се кучињата што се дресираат.

Кучињата имаат 330 милиони мирисни рецептори и способност да откријат мириси 50 пати подобро од човекот. Тие можат да намирисаат 250 луѓе на час. 

Коронавирусот нема мирис, но болеста предизвикува метаболички промени кои доведуваат до ослободување посебен вид на пот, а тоа е она што ќе го намирисуваат кучињата, вели професорот по ветеринарна епидемиологија од Католичкиот универзитет, Фернандо Мардонес.

Според Сантелицес, тестовите во Европа и во Дубаи покажале 95 отсто прецизност во откривањето на болеста КОВИД-19. 

Кучињата можат да откријат болести како туберколоза, паразити, па дури и рани стадиуми рак. Тие можат да почувствуваат мали промени на температурата на кожата, па би можеле да се користат и за откривање на треска.

Обуката на кучињата почна пред еден месец со примероци на пот земени од пациенти и експертите се надеваат дека кучињата ќе бидат на терен до август. Планираат да ги распоредат на подрачје каде што има многу пешаци покрај автобуските постојки, аеродромите и други фреквентни места.

Чиле е шеста земја по ред во светот по бројот на заразени. Бројот на заболени е 323,698, а починаа над 7.200 луѓе.