СКОК НА АКЦИЗАТА: Австралиските пушачи ќе плаќаат 43 долари за кутија цигари
Објавено во: Свет 05 Мај, 2016
Пушачите во Австралија ќе плаќаат 45 долари за кутија цигари поради владиниот предлог за зголемување на даноците.
Акцизата на тутунски производи ќе скокне со 12,5% годишно во периодот 2017-2020 година и ќе се зголеми за 4,7 милијарди долари.
Данокот беше објавен од благајникот на земјата Скот Морисон.
Светската здравствена организација препорача зголемување на даноците за 70% на кутија цигари, а овој потег беше доживеан како здравствена мерка, а не како финансиска.
Во моментов цената на 25 цигари во Австралија варира помеѓу 19-22 долари. За споредба во Велика Британија цената за кутија е просек 8 евра или речиси 12 долари, пренесе „Indipendent“.
„Зголемувањето на акцизите на тутунот во последните две години придонесе за значителен пад на бројот на луѓето кои пушат секој ден“, вели Морисон.
Службите во земјата ќе се борат активно против нелегалната продажба на цигари со цел даночно затајување. Минатата недела полицијата заплени 13 милиони шверцувани цигари и 8 тони тутун. Предвидено е санкциите да станат солени.