Сиријците масовно се враќаат од Турција во родните места

Добивај вести на Viber

Сириски државјани во групи се враќаат од Турција во родните места, откако  се гарантира безбедноста во сирискиот град Џараблус.

Турските власти го отворија граничниот премин во провинцијата Газиантеп. Се работи за граничниот премин „Каркамаш" во реонот на провинцијата Газиантеп, кон кој масовно се собраа сириски граѓани - жени, деца, мажи.

Граничниот премин беше затворен пред околу две години, откако илјадници Сиријци преминаа на турска земја во потрага по спас од теророт. Две години подоцна почна спротивното, враќање кон Сирија.

Според турските власти по првата група од 327 лица вчера се врати уште една група од 120 Сиријци. Враќањето е под надзор на турските власти. Регистрацијата се врши на мобилни миграциски клупи, создадени на граничниот премин „Каркамаш". Денеска се очекува уште околу 200 Сиријци да поминат на сириска територија.

Во исто време Турција работи на реконструкција на електричната енергија во градот Џараблус, прекината за време на борбите. Целта е да се врати нормалниот живот на стотиците сириски граѓани кои се враќаат по своите родни места, откако градот беше исчистен од терористите.