Швајцарски искуства за справување со поплавите
Објавено во: Мои пари 11 Април, 2018
Швајцарски експерти за справување со ризици од поплави ќе и помогнат на Македонија да изгради стратегија и изнајде најсоодветни мерки за справување со поплавите и ризиците од катастрофи. На работилницата, што се одржа во рамки на проектот Подобрување на отпорноста кон поплави во Полошкиот регион, кој се спроведува од страна на Програмата за развој на Обединетите нации (УНДП) и е финансиран од Швајцарската агенција за развој и соработка (SDC) и Швајцарскиот Секретаријат за економски прашања (SECO), експертите ги презентираа најновите меѓународни случувања и современи пристапи за намалување на ризикот од катастрофи.
Целта на проектот е да се направи суштинска промена во начинот на справување со ризикот од поплавите во полошкиот регион, кој се смета за најранлив во однос на ова прашање. Само во 2015 и 2016 година во регионот се случија неколку поплави од кои една со катастрофални последици која однесе човечки животи и направи голема материјална штета.
Швајцарскиот експерт за управување со кризи и намалување на ризици од катастрофи, универзитетскиот професор Маркус Цимерман, ги сподели искуствата на Швјцарија и успешноста на моделите што се применуваат на национално и светско ниво. Според Цимерман, во текот на реализацијата на проектот кој ќе трае четири години, треба да се подобри подготвеноста и да се зајакнат капацитетите на институциите за заштита од поплави. Предвидено е градење на стратегиски важна инфраструктура, воспоставување на системи за навремено предупредување и алармирање, како и одржлив урбанистички и економски развој во општините од овој регион.
На работилницата беа презентирани и наодите од истражувањето и оценувањето на Планот за управување со ризикот од поплави во регионот. Овие податоци ќе им овозможат на експертите и проектните партнери да предложат конкретни мерки за намалување на ризикот од поплави.
Можеби ќе ве интересира
Промоција на „Шарени ириси“ – новата хибридна инклузивна сликовница во издание на „Арс Ламина“
ЖИМ Коскоска се врати на тронот, ИМ Тони Лазов првпат до титулата
РЕС е најголем снабдувач со струја на слободниот пазар, објави Регулаторната комисија за енергетика
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
