Што велат Тачи и Нишани за Голема Албанија?

Добивај вести на Viber

Претседателот на Косово, Хашим Тачи и неговиот албански колега во заминување, Бујар Нишани, кој престојува во тридневна посета на Косово, велат дека Албанците никогаш не биле поединствени од колку сега, независно каде и да се - во Албанија, Косово, Македонија, Црна Гора, Прешевската Долина или во дијаспората.

Според Тачи, како што јави дописникот на МИА, Албанците никогаш во историјата не биле поединствени од сега, со многу повеќе комункација и блискост, затоа што тие имаат заедничка евро-атлантска ориентација, каде и да живеат во регионот.

„Албанските политичари и партии во регионов, колку и да се различни треба да имаат идентична цел, а тоа е европска Албанија, европско Косово и европска Македонија. Афирмацијата на сите Албанци треба да биде во духот на мирот и стабилноста во регионов“ - изјави Тачи по средбата со Нишани на која му врачи „Орден на слободата“.

Тој вели дека за Голема Албанија во овој миг најмногу зборуваат белградските медиуми и фукционерите во Белград.

Според него, тоа не е ништо друго туку игра на Србија за да создаде паника и немири на Балканот. 

„Тоа го прават за да ги обвинат Албанците и да ја оправдаат сопствената деструктивност во Косово, Босна и целиот западен Балакан“ - рече Тачи.

Нишани пак вели  дека слободата е најнезаменлива димензија за еден народ.