28 Јануари, 2020
0.0217

Што ги топи профитите: Значаен пад на приходите од данокот на добивка

Објавено во: Економија 05 Декември, 2019

Државата успеала да собере во буџетот над девет милијарди денари како приход од данокот на добивка од почетокот на годината до крајот на септември. Во овие девет месеци значи сумата изнесува околу 148 милиони евра. Сепак, на годишно ниво даночните приходи по овој основ се намалиле за над 21 процент. Имено анализа на кварталните податоци покажува дека годинава од данокот на добивка, споредено со истиот период, минатата година има помали остварувања па се поставуваат прашањата – кои компании имаат послаби добивки, кој сектор потфрли и каква ќе биде профитабилноста на домашните компании до крај на годината. 

Повеќето од овие одговори секако ќе се знаат најчисто следната година – ако се анализираат податоците по сектори и годинава исклучителни резултати има банкарскиот. Сепак показателите укажуваат дека годината може да заврши и полошо во однос на минатата и за овој сектор.

Податоците на Министерството за финансии покажуваат дека освен вкупниот пад на наплатениот данок на добивка, помалку пари се собрани и кај месечните аконтации односно за 10,6 проценти, пад има и кај даночните биланси за дури 33 проценти, а најдрастичен е падот кај задржаниот данок за странски правни лица или дури над 60 проценти. 

Единствено расте сумата собрана од данокот наплатен по основ на дивиденди и тоа за дури 64,5 проценти.

Фактор веќе пишуваше дека годинава за девет месеци од Макеоднија се излеле надвор над 200 милиони евра по оснив на исплатени дивиденди за странските акционери во домашните компании.

А.Т.


Можеби ќе ве интересира

Брегу: Одливот на „мозоци“ е најголем предизвик за Западен Балкан

Брегу: Одливот на „мозоци“ е најголем предизвик за Западен Балкан

ЌЕ ОДАТ ВО ИСТОРИЈАТА: ЕК планира да се „спаси“ од монетите од еден и два евро-цента

ЌЕ ОДАТ ВО ИСТОРИЈАТА: ЕК планира да се „спаси“ од монетите од еден и два евро-цента

УТРИНСКИ ФОКУС: Колку се заработува од бизнисот со технички преглед на возилата

УТРИНСКИ ФОКУС: Колку се заработува од бизнисот со технички преглед на возилата

Бранко Азески: Костал е надеж за охриѓани

Бранко Азески: Костал е надеж за охриѓани

Од Стефанова „и се крена“ косата, како ќе помине Катица по сведочењето на Рустеми

Од Стефанова „и се крена“ косата, како ќе помине Катица по сведочењето на Рустеми

Која компанија прави најмногу пари од бизнисот со технички преглед

Која компанија прави најмногу пари од бизнисот со технички преглед

ЦЕНИТЕ ПАДНАА: Еве колку ќе плаќате за бензини и дизел неделава

ЦЕНИТЕ ПАДНАА: Еве колку ќе плаќате за бензини и дизел неделава

Капиталните проекти останаа жртви на политика и желби

Капиталните проекти останаа жртви на политика и желби

Има пари во бизнисот со технички преглед на возила, кој колку заработува?

Има пари во бизнисот со технички преглед на возила, кој колку заработува?