Шекеринска: Од секогаш имало интерес за странските мисии, особено со дополнителните 500 до 700 евра

Добивај вести на Viber

Радмила Шекеринска, министерката за одбрана, вели дека интересот за македонските професионални војници за учество во НАТО-мисиите од секогаш бил голоем, особено по зголемувањето на надоместоците.

- Членството во НАТО не дефинира повисоки обврски, но ние во нашиот буџет обезбедивме финансиски средства и за зголемување на нашето учество во меѓународни операции.  Учеството во меѓународни операции е најдобра шанса да градиме поголеми капацитети и да се држи во готовност нашата Армија. Исто така, мисиите се шанса за припадниците на Армијата да напредуваат и професионално но и финансиски. Во Армијата секогаш има висок интерес за учество во операции во странство, особено од минатата година кога ги зголемивме надоместоците за учество за дополнителни 500 до 700 евра за војниците и подофицерите, одговара вицепремиерката на прашање од интервјуто за „Порталб“.

Таа додава дека Македонија во 2007 годинатрошела 2,17 проценти од БДП за армијата, во меѓувреме паднал на 0,9 проценти , за сега тој да биде 1,4 проценти со тенденција секоја година да се зголемува за 0,2 процентни поени.

- Платите на сите воени лица во армијата веќе се зголемија 16 проценти, а од март месец, со исплатата на станарината ќе се зголемат уште повеќе. На пример професионален војник кој во минатиот период земал 20.000 денари плата, од март заедно со надоместот за станарина ќе зема над 30.000 денари што е зголемување повисоко од 50 проценти! Во делот на цивилните лица во Армијата кои долги години имале срамно ниски плати, кај нив со Законот за служба зголемувањето на платите е над 25 проценти, ги коментира Шекеринска платите во АРМ.