Шефот на ЦИА открива како ги надмудрила Исламска држава!

Добивај вести на Viber

Директорот на американската ЦИА Џон Бренан открива дека имале информации оти Исламска држава планира терористички напади неколку дена пред страшниот масакр во Париз.

Централната разузнавачка агенција и нејзините партнери биле свесни за тоа дека ИД организира тајни активности пред нападот, но нивните обид тоа да го дознаат ги запрело „софистицираното“ користење на енкриптирани комуникации на интернет.

„Знаевме дека свети црвено. Знаевме дека ИД се обидува нешто да изведе, но лицата кои во тоа биле вплеткани ги искористиле најновите достапни начини за комуникација, кои се скриени од нас“, рекол Бренан, кој после нападот на своите агенти им рекол како мора подобро да работат и да спречат повторување на нови напади.

„Мора да работиме подобро. Мора да имаме можности, технички способности, човечки извори. Верувајте ми, разузнавачките агенции запреа небројни напади, терористи кои се преселени од Ирак во Сирија и во Европа. Ги запревме, уапсивме, испитавме благодарение на добрата разузнавачка работа“, рекол и додал дека верува оти Исламска држава се обидува да организира напад и да најде мета во САД.

„Очекувам дека ќе се обидат да постават луѓе, средства или нешто друго што им треба да изведат или поттикнат луѓе да ги изведат тие напади, јасно. Затоа верувам дека нивните обиди се неизбежни. Не мислам дека и нивниот успех е нужно неизбежен“, рекол тој.

Бренан открил и дека редовно се слуша со челникот на руската Сојузна безбедносна служба Александар Бортников и дека ЦИА е во директен контакт со ФСБ.

Главна тема на нивните разговори е информирање на рускиот претседател Владимир Путин за потенцијални судири на американското и руското воздухопловство во Сирија.