СЕ РАЃА СИЛЕН СТРАТЕШКИ СОЈУЗ: Двајца големи трговски гиганти ги здружуваат силите
Објавено во: Финансии 03 Јули, 2018
Британскиот трговски ланец Tesco објави дека планира "стратешки сојуз" со францускиот гигант Carrefour. Двете компании сакаат да ја користат заедничката куповна моќ, за да ги намалат трошоците и да понудат пониски цени на клиентите.
Двата синџири планираат заеднички "стратешки односи" со светски добавувачи, а поврзувањето ќе значи и споделување на нивните производи со свој бренд.
Овој потег доаѓа кога трговците на мало се соочуваат со поконкурентна средина.
Tesco е најголемиот трговец на мало во Велика Британија, додека Carrefour е најголем во Европа.
Минатата година Tesco, компанија во која работат 440 000 луѓе, објави профит од 1,3 милијарди фунти и продажба од 57.5 милијарди фунти, пишува БиБиСи.
Carrefour управува со 12 300 продавници во повеќе од 30 земји, во кои работат околу 375 000 луѓе низ целиот свет. Минатата година имаше продажба од 88,2 милијарди евра (78 милијарди фунти).
Двете компании преговараат во текот на две години, и иако се уште не е потпишан формален договор, тие рекоа дека се надеваат да потврдат договор во следните два месеци.
Напади во секторот
Секторот за храна моментно се соочува со период на брзи промени. Самата Tesco неодамна го заврши купувањето на трговецот "Booker", а во април од Sainsbury's изјави дека се во разговори за купување на Asda од американскиот гигант Walmart.
Традиционалните големи четири синџири супермаркети во Велика Британија - Tesco, Sainsbury's, Asda and Morrisons - се соочуваат со зголемената конкуренција од брзо растечките буџетски синџири Lidl и Aldi во последните неколку години, а сега има и дополнителна закана дека интернет гигантот Amazon влегува во секторот .
Минатата година Амазон го купи целиот синџир на храна. Во Велика Британија Amazon нуди продажба на храна преку услугата Amazon Fresh, иако во моментот таа се уште е фокусирана на Лондон и југоисточна Британија.
Во јануари Carrefour најави голем план за трансформација, вклучувајќи намалување на трошоците со 2 милијарди евра до 2020 година и инвестирање на 2,8 милијарди евра во електронска трговија до 2022 година.
Можеби ќе ве интересира
Повеќе од три милиони клиенти, двојно поголем биланс и една милијарда евра добивка до 2030 година
ТВРДОГЛАВИОТ ДОЛАР ИМ ЈА „КРАДЕ“ ЗАРАБОТКАТА НА АМЕРИКАНСКИТЕ КОМПАНИИ: еве зошто останува „омилена“ валута
КИНЕСКИ АМАЗОН ДОСТАПЕН ВО СРБИЈА: Се е со багателни цени
ТУРИСТИТЕ ЗБЕСНАА ЗАРАДИ ЦЕНИТЕ ВО ГРЦИЈА: Бараат луди суми само за кревет, многумина поради тоа веќе ги откажаа одморите!
ЌЕ РАСТАТ ПЛАТИТЕ НА ХРВАТСКИТЕ МИНИСТРИ - еве колкави се и во другите земји
СЕ ПОВЕЌЕ ЛУЃЕ ГИ КОРИСТАТ КАРТИЧКИТЕ И ЗА СТАВАЊЕ ПАРИ НА СМЕТКА – расте учеството на пластиката во секојдневните активности на граѓаните
ЗА ЕДНА ГОДИНА СЕ ДУПЛИРАЛ БРОЈОТ НА МИЛИЈАРДЕРИ ВО СВЕТОТ НА КРИПТОВАЛУТИТЕ: Најбогатите одат во затвор
КАКО ПРОПАДНА БОИНГ! Градеа репутација со децении, а потоа им дојде овој авион! Кошмарот продолжува, загуби во милијарди
