Се повеќе новороденчиња во Германија од мајки странкињи
Објавено во: Свет 21 Септември, 2016
Мајката на секое петто новороденче во Германија е со странски пасош, покажа локално истражување, цитирано од агенциите.
Една од причините е огромниот прилив на бегалци во земјата. Според федералната статистичка служба 148 000 од вкупно 738 000 деца родени во 2015 година во Германија, биле од мајки без германски пасош.
Растот се зголемил до 20 проценти, што се случува за првпат.
Најголем дел од странските мајки се Турчинки, а двојно е зголемен бројот на сириските жени кои родиле на територијата на земјата.
Минатата година во Германија пристигнаа 1 милион бегалци од Сирија, кои побараа заштита таму.
Според податоците на германската полиција од почетокот на годината се регистрирани 58 пожари на бегалски центри во Германија. Во исто време за мигрантите станува потешко да најдат работа во земјата.
Од над 1 милион нови имигранти во Германија, само 63 лица се вработени во германските компании.