САД: Северна Кореја ќе има 100 нуклеарни проектили за 5 години
Објавено во: Свет 11 Октомври, 2016
За 5 години, Северна Кореја ќе располага со најмалку 100 нуклеарни проектили со долг дострел, пренесоа Дејли Мејл.
Ова покажува извештај на американската организација RAND Corporation за најголемите закани за земјата. Меѓу нив се Русија, „Исламска држава“, Кина и сајбер нападите. Во моментов земјата има капацитет за изградба на меѓу 13 и 21 нуклеарно оружје.
Напредокот на Пјонгјанг во овој поглед е таков, што до 2025 година ќе претставува сериозна закана за земјите во регионот.
Следниот американски претседател ќе треба да одлучува како да им се помогне на сојузниците таму - Јапонија и Јужна Кореја, се заклучува уште во извештајот.
Пред неколку дена се појавија шпекулации дека Северна Кореја подготвува нов нуклеарен тест.
ОН воведе серија санкции на Северна Кореја од 2006 година наваму. Моќноста на експлозијата на тестот во септември беше 10 килотони - речиси двојно повеќе во споредба со јануари.
Претставник на јужнокорејското воено Министерство објави пред „Јонхап“ дека има веројатност да биде извршено ново нуклеарен тест на денот на годишнината на партијата.