Русковска: Ги добивме документите од Албанија за Груевски, но не откриваат ништо ново
Објавено во: Македонија 21 Мај, 2019
Главната обвинителката за организиран криминал и корупција, Вилма Русковска, вели дека документите од Албанија за бегството на поранешниот премиер Никола Груевски преку територијата на западниот сосед во Унгарија, но вели дека тие не откриваат ништо ново.
- Јас ги анализирав, но не можев да најдам ништо ново, кое ќе нѐ внесе во работа. Таму пишува кога го поминал граничниот премин и како влегол во Црна Гора, истите информации што ги добивме од Црна Гора. Албанија не откри што бараме, како поранешниот премиер влегол во албанската држава. Исто така, нема информации или снимки за хотелот во кој престојуваше Груевски, изјави Русковска за Фокус.
Албанија претходно одби да ги даде снимките, со образложение дека тие биле избришани.
„Добивме снимки од Црна Гора, но ги следевме и снимките од македонските гранични премини, како и камерите инсталирани во градот Скопје“, додава Русковска.
За бегството на Груевски во Будимпешта, Унгарија, во Обвинителството штотуку сведочеа телохранителите на поранешниот премиер и други сведоци.
Груевски ја напушти Македонија минатата година поради за да не отслужи двегодишна затворска казна за случајот „Тенк“. Тој низ Албанија, Црна Гора и Србија побегна во Унгарија, каде што доби политички азил.