Руски разузнавачи тврдат - Доказите за соборениот патнички авион се лажни
Објавено во: Свет 28 Септември, 2016
Денес официјалната меѓународна истрага потврди дека патничкиот авион МХ17 бил срушен од руска ракета што ги потврди сомнежите дека руските бунтовници гаѓале со Бук ракетен систем земја воздух пред две години за време на судирите во Источна Украина.
Сепак, руското министерство за надворешни работи врз база на разузнавачки информации тврди дека истражителите биле под влијание на украинските власти и ја фабрикувале целата приказна со лажни докази.
„Русија од старт препорача да се води заедничка истрага која ќе се базира само на факти. Главен проблем на меѓународната комисија е што користи извори од украински власти кои имаат свои скриени мотиви и никогаш не ги земаа во обзир доказите обезбедени од Русија, посочи Марија Закарова од руското министерство за надворешни работи.