Русија ќе одговори со „контрасанкции“ за САД и Канада

Добивај вести на Viber

По новите санкции што ги спроведоа САД и Канада русија ќе разработи возвратни мерки, изјавил претставникот од руското министерство за надворешни работи на Русија, Александар Лукашевич. „САД и Канада се уште не може да ги прифатат резултатите од слободното изразената волја во Крим и Севастопол“, рекол рускиот дипломат, пренесува „Тасс“. Според Лукашевич новите санкции за руските претставници се на различни нивоа но исто така прошитена е и забраната на нормалната економска соработка. „Нашиот совет до Вашингтон и Отава е да размислат за последиците од таквите акции. Во меѓувреме ние ќе разработиме контрамерки“, додал Лукашевич. Најновата рунда санкции на САД и Канада според Москва ги загрозуваат напорите за решавање на кризата во Украина, соопштило руското министерство за надворешни работи, пренесува „АФП“. „Санкциите се насочени кон попречување на политичкиот процес“, се додава во соопштението. Канада во петокот соопшти дека воведува дополнителни санкции за Русија, кои вклучуваат и рестрикции на извозот на технологија која се користи во нафтената и гасната индустрија. Претседателот на САД, Барак Обама, потпиша закон со кој се одобрува новиот сет санкции за Русија, но, како што истакна, не планира, за сега, да ги применува каснените мерки кои се наведени во документот, кој пред неколку дена беше усвоен од страна на Конгресот.